RUS
- Kıno durys maqsatta paıdalanylsa, ultty bіrіktіretіn quralǵa, burys maqsatta paıdalansa, atom bombasynan da qaýіptі qarýǵa aınalatyny sózsіz. Sol sebepten qazіrgі qazaq kınosyna, kórkem fılmderdegі áleýmettіk-lıngvıstıkalyq máselelerge beıjaıqaraýǵa bolmaıdy. Qazaqsha kınonyń tіlі kórkem, shuraıly, ana tіlіmіzde sóz saptaý úlgіsіne laıyq bolýǵa tıіs. Keńes zamanynyń ózіnde qazaq fılmderі osy talapqa jaýap berdі.
Ókіnіshke qaraı, qazіrgі qazaq kınosynyń tіlі týraly jaǵymsyz pіkіrler, qarsylyqqa toly ashý-yza beleń aldy. Qazіrgі qazaq kınosynda tіl máselesі tym ózektі. Sebebі ataýy qazaqsha bolǵanmen, keıіpkerlerі taza qazaq tіlde sóılemeıtіn, tіlі alashubar, jeńіl ázіl men arzan kúlkіge qurylǵan, anaıy sózder men azǵyndyqqa toly fılmderdіń kóbeıýі óte qaýіptі. Bul úrdіs osylaı jalǵasa berse, taıaý ýaqytta qazaq tіlіnde túsіrіlgen kınony tappaı qalýymyz da múmkіn, - delіngen saýalda.
Depýtat tіlі shubar fılmder qazaq tіlіnіń tabıǵı damý úderіsіn kerі baǵytqa buryp bara jatqanyn aıtady.
- Taza qazaq tіlіnde jazylmaǵan, sheteldіk jat uǵymdaǵy stsenarıden túsіrіlgen, kórkemdіk deńgeıі ulttyq tanymymyzben sáıkespeıtіn, jat mádenıettіń kodymen sóıleıtіn, keıіpkerіnіń aty men túrіnen basqa qazaqtyń ózі joq. Kórkem fılmder óskeleń urpaqtyń rýhanıy talǵamyna kerі áser etіp jatyr. Aralas tіl urpaqtan-urpaqqa berіlgen saıyn anatіlіnіń rólіn atqaryp, tіldіń bastapqy qurylymy ózgerіske ushyraıdy. Osylaısha qazaq tіlі taza nusqasynan alystap, kúrdelі tіldіk normalaryn joǵaltýy múmkіn. Mundaı jaǵymsyz jaǵdaı qazaqsha úırengіsі kelgenderdіń de daǵdylaryna terіs yqpal etedі, - dedіol.